Fjórtán breiðdælsk verkefni hljóta brautargengi

Styrkþegar 2018.

Sjö milljónum króna úr verkefninu Breiðdælingar móta framtíðina var þann 7. maí úthlutað til 14 samfélagseflandi verkefna í Breiðdalshreppi. Þetta er fimmta úthlutunin en alls bárust 17 umsóknir.

Áætlaður heildarkostnaður verkefna er um 52 m.kr. en sótt var um styrki fyrir 22 m.kr. Kynjahlutföll á milli þeirra sem hlutu styrki eru átta konur og sex karlar. Styrkirnir eru hluti af verkefni Byggðastofnunar, Brothættar byggðir.

Heildarlisti yfir styrkþega árið 2018:

Tvö verkefni hlutu hæstu styrkina að þessu sinni. Annars vegar verkefnið Iceland by Axel, upphleypt Íslandskort, sem til stendur að setja upp í gamla frystihúsinu - og hins vegar uppsetning ærslabelgs á leiksvæði fyrir börn.

Horft var til þess að styrkja verkefni er varða nærsamfélagið t.d. árlega menningarhátíð Breiðdalshrepps og 17. júní tónleikana Rock the Boat, auk annarra spennandi verkefna.

Verkefnið Brothættar byggðir miðar að víðtæku samráði og því að virkja þekkingu og getu íbúa byggðarlaga til að móta framtíðarsýn, markmið og lausnir. Enn fremur að virkja frumkvæði og samtakamátt íbúa og auka vitund þeirra um eigin þátt í þróun samfélagsins.

Nánari upplýsingar veitir Alda Marín Kristinsdóttir (aldamarin@austurbru.is) verkefnastjóri verkefnisins í síma 847-6887.